Чуулганы нэгдсэн хуралдаан эхэллээ. Хуралдаанаар хэлэлцэх асуудлыг тогтоох үеэр УИХ-ын гишүүн Н.Алтанхуяг дараах байр суурийг илэрхийллээ.

Тэрбээр "Хөгжлийн банкны асуудалтай холбоотойгоор байр сууриа илэрхийлмээр байна. УИХ ажлын хэсэг байгуулдагаа болимоор юм. Үндсэн хууль зөрчиж байна ш дээ. Б.Баттөмөр гишүүнээ. Ажлын хэсгийн санал дүгнэлтэд 20 гэнэ үү. УИХ-ын гишүүний нэр огт алга. Олон түмний өмнө микрофон нээлттэй байгааг ашиглаад унших гэхээр дандаа ардын гишүүдийн нэр байсан болохоор Женко бид хоёрын нэрийг оруулаад уншиж байх шиг байна. Ингэж болохгүй. Ардын намын гишүүдийн нэрийг ч уншиж болохгүй. Гэм буруутай нь тогтоогдоогүй байхад хэнийг ч буруутан гэж үздэггүй. Шүүхээр л тогтоох ёстой. Ажлын хэсэг, Б.Баттөмөр гишүүн шүүгч болчихоод байна. УИХ-ын ажлын хэсэг өөрсдөө улс орноо замбараагүй болгох үйл ажиллагааг хийж байна. Харин УИХ-ын Хянан шалгах Түр хороо байгуулахыг дэмжиж байна. Сургуулийн боловсрол байна уу Б.Баттөмөр гишүүнээ. Ядаж ийм зүйлээ хийчихээд хүний тухай ярих ёстой. Ялангуяа чуулганд хэн нэгэн гишүүний нэрийг шүүхээр шийдэгдээгүй байхад нь орилж зарладагаа болих хэрэгтэй" гэлээ.