Нийслэлийн цагдаагийн удирдах газраас "Эргүүл" тусгай арга хэмжээг зохион байгуулж буй. Үүний хүрээнд шөнийн эргүүлийн хэлтсээс давхардсан тоогоор 258 чиглэлд 516 алба хаагч үүрэг гүйцэтгэж, 1262 иргэн, 1039 тээврийн хэрэгсэлийг шалгаж бусдын биед гэмтэл учруулах 2 хэргийг таслан зогсоож, шүүхээс эрэн сурвалжлагдаж байсан 3 хүнийг олж тогтоожээ.

Түүнчлэн гар дээрээс хууль бусаар согтууруулах ундаа худалдан борлуулсан 47, согтуугаар тээврийн хэрэгсэл жолоодсон 15, нийт 62 зөрчлийг илрүүлж, согтууруулах ундаа хэтрүүлэн хэрэглэж биеэ авч явах чадваргүй 27 хүнийг ар гэр, асран хамгаалагч нарт нь хүлээлгэн өгч гэмт хэрэг, зөрчлөөс урьдчилан сэргийлж ажилласан аж.