Ковид19 вакцин нь бусад вакцины нэгэн адил хариу урвал үзүүлдэг. Гэхдээ ихэнх нь хөнгөн бөгөөд хэдхэн хоногийн дотор алга болно гэдгийг албаныхан хэлж байна. Тодруулбал, вакцин хийлгэсний дараагаар дараах хариу урвалууд илэрвэл үүнийг ердийн хариу урвал хэмээн үздэг аж. Үүнд:

-Ядрах, толгой өвдөх

-Халуурах

-Жихүүдэс хүрэх

-Тарьсан хэсэгт хавдах эсвэл өвдөх

Ихэнх тохиолдолд эдгээр нь энгийн бөгөөд богино хугацаанд үргэлжилдэг. Хэрэв тарилга хийлгэснээс хойш 24 цагийн дараа ч эмзэглэл, өвдөлт нэмэгдэх, хариу урвал хэд хоногийн дараа ч арилаагүй тохиолдолд эмчид хандаж зөвлөгөө аваарай.