УИХ-ын намрын ээлжит чуулганы үдээс хойшхи хуралдаан эхэллээ. Хуралдаанаар УИХ-ын гишүүн Н.Ганибалаас Ерөнхий сайд Л.Оюун-Эрдэнэд хандан “Нийгмийн хамгааллын чиглэлээр авч хэрэгжүүлж байгаа зарим арга хэмжээний талаар” тавьсан асуулгын хариуг сонслоо. Хэлэлцэж байгаа асуудалтай холбогдуулан гишүүд асуулт асуун, хариулт авч байна.

УИХ-ын гишүүн Н.Алтанхуяг "Ковидын хуулийг далимдуулж баахан хүнийг ажилд авдаг, хамаатан садан, намын нөхдөө чихдэг зүйл их боллоо. Төрийн албанд АН-ынхан сураг ч үгүй байх. Арчаад дууссан байх. АН-ын гишүүн байтугай АН-ын үнэртэй хүмүүс ч хусуулаад дууслаа. Монголын нийгэмд ардчиллын нэр устай бол амьдарч болдоггүй болсон юм байна.

Тендер зарлахад ч ялгадаг болсон байна. МАН-д элсэх, тэдэнд палдиганах эсвэл авлига өгөх сонголт л байна. ХНХ-ын сайд А.Ариунзаяа халамжаас хөдөлмөрт шилжинэ гэж гоё үг хэлсэн. Түүнийг хэрэгжүүлэхэд танай дарга нар танд саад болно. Халамж бол сонгуульд хүмүүсийг ажиллуулах сүлжээний хэрэгсэл болсон" гэв.