Өчигдөр /2021.12.23/ УИХ-ын нэгдсэн чуулганы үеэр Нийслэлийн Засаг дарга бөгөөд Улаанбаатар хотын захирагч Д.Сумъяабазар Улаанбаатар хотын барилга төлөвлөлтийн талаар дараах байр суурийг илэрхийлэв. Тэрбээр "Улаанбаатар хотын их тойруу дотор 6 давхраас өндөр барилга бариулдаггүй болгоно. Их тойруу доторх хүн амын төвлөрөл хэдийнэ хэтэрчихсэн. Өндөр барилга барихаар бол их тойруугаас гадуур барьдаг болчихвол хот тэлнэ. Нийслэлийг 6 дэд төвтэй болгохоор ажиллаж байгаа. Тэдгээр дэд төвүүдийн орчимд өндөр барилга барих боломжтой. Ингэснээр дэд төвүүд хөгжинө" гэлээ.