ОХУ-ын Нижневартовск хотноо 2021 оны 12 дугаар сарын 06-11-нд зохион байгуулсан 18 дахь удаагийн Нефттэй орнуудын дэлхийн цомын аварга шалгаруулах тэмцээнээс Монголын эмэгтэй боксчид алт, мөнгө, хүрэл медал хүртэв.

Тухайлбал, Боксын үндэсний шигшээ баг, Хилчин спорт хороо, “Эрдэнэт бокс” клубын тамирчин 60 кг-д ОУХМ М.Намуун алтан медаль, 57 кг-д ҮШБ, “Эрдэнэт бокс” клубын тамирчин Б.Мөнгөнсаран мөнгө, мөн 60 кг-д “Эрдэнэт бокс” клубын тамирчин Б.Золжаргал хүрэл медаль тус тус хүртлээ. Энэхүү тэмцээний шилдэг эмэгтэй тамирчнаар М.Намуун шалгарсан байна.