Улсын начин Э.Энхбатыг зодож, танхайрсан Олимпын аварга Н.Түвшинбаярыг Эрүүгийн хуулийн тусгай ангийн 11.1 дүгээр зүйлийн хоёр дахь хэсгийн 2.1-д зааснаар яллах дүгнэлт үйлдэн, тус дүүргийн Эрүүгийн хэргийн анхан шатны шүүхэд шилжүүлээд байсан. Гэвч хэрэгт авагдсан материал дутуу гэх үндэслэлээр эл хэргийг прокурорт буцаасан. Энэ талаар УПЕГ-аас тодруулахад Н.Түвшинбаярт холбогдох хэргийг өнөөдөр дахин шүүхэд шилжүүлнэ гэх мэдээллийг өглөө.

Хэргийг сануулбал, Н.Түвшинбаяр нь дөрөвдүгээр сарын 2-ны өдөр согтууруулах ундааны зүйл хэрэглэсэн үедээ хохирогч Э.Энхбатыг тодорхойгүй шалтгаанаар зодож, гавлын ясны үргэлжилсэн хугарал бүхий хүнд гэмтэл учруулсан юм.