Өмнөд Африкийн ерөнхийлөгч коронавирусийн шинэ хувилбар болох омикроны улмаас өөрийн улс болон хөршүүдийн эсрэг гаргасан зорчих хоригийг буруушаав.

Их Британи, Европын холбоо, АНУ зэрэг улсууд тус улсаас зорчих хөдөлгөөнийг хориод байгаа билээ. Өмнөд Африкийн ерөнхийлөгч Сирил Рамафоса бусад орнуудын энэхүү үйлдэлд урам хугарч, үндэслэлгүй гэж үзэж байгаагаа хэлээд хоригийг яаралтай цуцлахыг уриалав.

ДЭМБ-ын Африк тивийн захирал Матшидисо Моети ням гарагт хэлэхдээ "Омикроны хувилбар одоо дэлхийн хэд хэдэн бүс нутагт илэрсэн тул Африкт чиглэсэн аялал жуулчлалыг хориглох нь дэлхийн эв нэгдэлд халдаж байна" гэжээ.