Женкогийн хүмүүсээр “Давхар дээл“-тэй холбоотой гомдлыг Цэцэд гаргуулж, Үндсэн хуулиа өөрчлөх Ардын намын “мэх“

Ангилал
Улс төр
Хэзээ
2021/11/23
Унших
4 минут 9 секунд
QR кодыг уншуулж мэдээг утсаараа унших боломжтой.

Бурхны хөшөөний буруутанг олж бөөндөө бооролж амжаагүй байхад улс төрийн сэдэв Үндсэн хуулийн нэмэлт өөрчлөлтөөр солигдох бололтой. Өнгөрсөн намаржин Ардын намын дарга нарын ширээ, Төрийн байгуулалтын байнгын хороо хавиар эргэлдсэн ҮХНӨ-ийг тун удахгүй Цэцийн тусламжтайгаар парламентын босго давуулж, эрх баригчид хэлэлцэж эхлэх гэж байна.

Ингэхдээ Ардын намынхан хурган заль хэрэглэж, улс төрийн гоо даамыг утгаар нь нүүчихлээ. Тэр нүүдлийнх нь золиос нь Ардчилсан нам. Намаа золигт гаргагчид нь УИХ-ын гишүүн Ш.Адьшаа, Н.Ганибал хоёр. Алсаас "захиалагч" нь Х.Баттулга болж таарч байх шиг байна. Энэ хоёрыг хаанаас нь ч харсан таг Х.Баттулгын хүмүүс. Х.Баттулга нь яг одоо Ерөнхий сайд, Ардын намын даргад зөвлөж байгаа гээд бодохоор алсаас томоор хөдөлж буй улс төрийн механизм гэмээр. Өөрсдийгөө иргэн хэмээн нэрийдсэн УИХ-ын хоёр гишүүн өчигдөр ҮХЦ-д шүүхийн тухай хууль болон 2019 онд батлагдсан ҮХНӨ-ийн “давхар дээлтэй” холбоотой хэсэг болох 39 дүгээр зүйлийн 1 дэх хэсэгт гомдол гаргасан. Шүүхийн тухай хуультай холбоотой гомдол бол гуя дагуулж хаясан хүзүү. Харин “давхар дээл”-тэй холбоотой заалт нь туйлын хортой, ба хоржоонтой. Тэд мянга сайхан тайлбар хийж, амьдралд үнэхээр “давхар дээлтэй” сайд хэрэгтэй байлаа ч гэсэн Ардын намын улс төрийн “гал"-ыг АН нуруундаа үүрэх нь туйлын утгагүй мунхаглал. Ингэж намынхаа улс төрийн түүхэнд хар толбо үлдээж болохгүй байлтай. Үнэндээ хоёрхон жилийн өмнө өөрчилсөн Үндсэн хуулиа дахиад өөрсдийн гараар өөрчлөх зориг эрх баригчдад байгаагүй.

Одоо харин Ардын намынхан 2016 оны сонгуулийн өмнө ҮХЦ-ээс дүгнэлт гаргуулаад Сонгуулийн тухай хуулиа өөрчилж байсан шиг бага зэрэг “жүжиг” дэглээд л ҮХЦ-ээс хүссэн шийдвэрээ гаргуулна. Эцэст нь 64 суудалтай үнэмлэхгүй олонх Цэцийн дүгнэлтийг УИХ дээр хүлээж авна. Хүлээгээд авчихсан байхад Үндсэн хуулиа өөрчлөх эрх зүйн орчин нь нээгдэнэ. Ийнхүү бараг энэ ондоо багтаж Ардын намынхан Цэцийн дүгнэлт дор Үндсэн хуулиа өөрчилж, сайд нартаа "давхар дээл" өмсгөх болно. УИХ эл үйлдлийг Ерөнхийлөгч хориглохгүй бөгөөд "давхар дээлтэй" сайдуудыг дэмжинэ гэдэг байр сууриа саяхан нэгэн уулзалтын үеэр илэрхийлсэн.

Мөн Т.Доржханд тэргүүтэй Ардын намын "охин" нам гэгдээд буй ХҮН-ынхан ойрын өдрүүдэд "сонгуулийн тогтолцоог өөрчил" гэж нэхэл хатуу үглэсээр ҮХЦ рүү гүйдэлтэй болсон нь зүгээр нэг цаг хугацааны давхцал огт биш. МАН-д хэрэгтэй шийдвэр бүрийг гаргуулахаар Цэц рүү бариад явдаг болсон ХҮН-ынхан энэ удаад бас АН-ынханд хүч нэмж "багын" тоглолт хийхээр зэхэж байна.

Харин эрх баригчид Үндсэн хуулиа өөрчилж дөнгөвөл хоёр ба гурваас дээш сонгогдсон гишүүдэд нэн түрүүнд сайдын суудал хуваарилна гэх зарчмын байр суурь дээр тохирсон. Гэхдээ гурав сонгогдсон хүмүүсээсээ өмнө нь Ерөнхий сайд байсан хүмүүс болон олон удаа сайд даргаар ажилласан Н.Энхболд зэрэг хүмүүсийг энэ удаад өнжөөхөөр ярилцаж эхлээд байгаа. Товчоор бол өнгөрсөн хугацаанд хоосон явж ирсэн хоёр ба гурав сонгогдсон МАН-ын гишүүд нэн түрүүнд сайдад горилж, "хоолтой" залгана.

Г.Лхагвадорж

Сэтгэгдэл (15)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!
  1. Иргэн

    Ардчилсан гэдэг хүмүүс америк ах нараасаа бензин, дизель авахгүй юу. Эсвэл америк ах нараасаа ногоо ба ойрын хэрэгцээний юмсаа авахгүй юу.

  2. Зочин

    Ёо энэ МАНГАР нам хүн хулгай хийж хүн гүтгэхээс өөр хийж чадах ажил байна уу. Бүтэн 6 жил үнэмлэхүй дангаараа төр засаг барьчихаад байж байгаа царайг нь хараа бусад руу буруугаа чихээд хулгайч нараа өмгөөлөөд сууж байх юм наад улсын эдийн засаг бүрэн дампуурч дууслаа. 2016 оноос хойш бараа бүтээгдхүүнийхээ үнийг хар яасан тэвчиж хандаггүй өмхий үхэрмонголчууд вэ

  3. Баатархүү

    Ардын нам давхар дээлийг эсэгсүүцээд л талбай дээр хар машин шатаагаад л сүржигнэж байгаад 2016 онд Үндсэн хуулинд өөрчлөлт оруулаад давхар дээлээ штйдсэн мөртлөө одоо болохоор буруу гэж байгаа нь үнхээр ичмээр юм.Ардын нам өөрсдөө зориулж хууль баталах болчоочээ. Одоо бүр үндсэн хуульд халдаж, давхар дээлтэй болох гэж байгаа Ардын намын хүншгүй чанарыг харуулж байна шүү..

  4. Иргэн

    Жинхэнэ баян хүмүүс гэдэг чинь дээшээ хэдэн үеэрээ буюу маш холын хамаатнуудаараа бүгд орон сууц өмчлөгчид байхыг хэлдэг юм. Энэ баттулгын хамаатнууд нь юугаа шалихав.

  5. Зочин

    Баттулга дахиж хулихдуулахгүй байхоо.

  6. Зочин

    Энд ямар юмны Баттулга ерөнхийлөгч вэ тэр ажлаа өгөөд хагас жил болж байна МАН ажлаа хийж чадахгүй арчаагүй нам гэдгээ аль хэдийн харуулсан буруу болгоноо бусад руу чихэхээ больж үз арчаагүй амьтадаа одоо дуугай чадваргүй луйвараар гарч ирсэн УИХ-аа тарааж засгаа огцоруул шинээр сонгуул явуул новшийн амьтад удах тусмаа улсаа баллаад дууслаа эд нартай хатуу хариуцлага тооцохгүй бол Монгол улс мөхнө. 2016-2020 оны МАН-ын Сонгуулийн мөрийн хөтөлбөр хэрэгжээгүй байхад хариуцлага тооцохгүй дахин сонгох ёсгүй эс тэгвээс сонгууль ямар ч үнэ цэнгүй

  7. зочин

    давхар дээл хэрэггүй гэдгийг өнгөрсөн 30жил нотолчихсон хэрвээ өөрчилбөл ардын нам баяртай

  8. Зочин

    Үндсэн хууль өөрчлөхгүй ээ

  9. Зочин

    Arai ch budag ni hataagyi baigaa Undsen huuliin uurchlultuu uurchluhgui bailgyi dee. Herev uurchilbul 2024 ond babye bolnodoo

  10. Галт

    Давхар дээл чинь дулаахан юм биш үү

  11. Зочин

    Давхар дээл огт хэрэггүй, гишүүний ажлаа сайн хийлдээ, юун 2 ажил вэ

  12. Зочин

    Ёооё энэ женко

  13. Зочин

    buruu shuu, harin bugdiin dabhar deeliin abch hav,

  14. Зочин

    Өөрөө үзмэрч үү. Зарим 1 юм асуух хэрэгтэй байна.

  15. Зочин

    Яг унэн шуу давхар дээл бол дэмий бгаа юм даа уул нь урьдах ажиллаа хийж чадахгуй байж битгий булуу хураагаад бай