2020 онд нийт 76.7 мянган хүүхэд төрж, өмнөх оноос 2.5 хувиар буурчээ. 15-19 насны буюу өсвөр насны охидын төрөлтийн эзлэх хувь 2020 онд 3.9 болж, өмнөх оноос 0.5 нэгж хувиар буурсан байна.

Гэр бүл төлөвлөлтийн талаарх мэдлэг, ойлголт, дадал хэвшил хэрхэн нэмэгдэж байгаа болон энэ чиглэлээр үзүүлж буй тусламж, үйлчилгээ, бодлого, хөтөлбөр хүн амд хэрхэн хүрч байгааг харж болох нэг үзүүлэлт нь үр хөндөлтийн түвшин юм.

Улсын хэмжээнд 2020 онд нийт 15.5 мянган үр хөндөлт бүртгэгдсэн нь 10 жилийн дунджаас 2.3 мянга буюу 13.8 хувиар, өмнөх оноос 0.9 мянга буюу 5.6 хувиар тус тус буурсан байна. Ингэхдээ Улаанбаатар хот болон Дархан-Уул, Дорнод, Дорноговь, Өмнөговь аймгуудын хувьд 100 000 амьд төрөлтөд ногдох үр хөндөлтийн түвшин улсын дунджаас 9.1%-2.2 дахин их байна. Насны хувьд авч үзвэл 20-29 насныхны үр хөндөлтийн түвшин өндөр байна.