Хууль зүйн байнгын хорооны хуралдаанаар Шүүхийн ерөнхий зөвлөлийн шүүгч бус гишүүнд нэр дэвшигчдийн асуудлаар томилгооны сонсгол явуулж байна.

Үүнтэй холбогдуулан гишүүд асуулт асууж, хариулт авч байна.

УИХ-ын гишүүн Н.Алтанхуяг "Шүүхийн нэр хүнд О гэдэг түвшингээс доошоо унасан. Ажлын хэсэг энэ гишүүдийг шалгаруулахдаа ямар байр суурьнаас хандаад байгааг ойлгохгүй байна. Мэдээж хууль, журмаа барих ёстой. Журам гаргасан асуудалд ч эргэлзчихлээ. ШЕЗ-ийн 10 гишүүний 5-ыг нь шүүгчдээс томилж байгаа. Нөгөө 5 нь ШЕЗ-тэй хутгалдаагүй байх ёстой. Гэтэл ШЕЗ-д байсан Д.Зүмбрэллхам гэдэг хүн ороод ирлээ.

Логик, зүй тогтол алдагдсан байна. Үүнийг хэн нэгэн хүнд зориулж ганц нэг заалт хийсэн байна. Шударга ёс тогтооно гэдэг чинь үнэхээр хэцүү юм байна. Арай хийж, хуулийн гаргалгаа, журам батлуулахаар журман дотор шургуулчихсан байх юм. Хүнд зориулж, өөрийнхөө хонгилын нэг хүнд зориулж, журманд шургуулчихсан байна" хэмээлээ.