Манай улс ирэх дөрөвдүгээр сарын 1-нээс Япон, БНСУ, ХБНГУ руу дахин нэмэлт нислэг үйлдэхээр шийдвэрлэсэн талаар УОК-ын Шуурхай штабаас өнөөдөр мэдээллээ. Энэ талаар тус штабын хэвлэлийн төлөөлөгч Б.Дуламсүрэн:
“Ирэх сарын 1-нээс тусгай нислэгээр БНСУ, Япон, ХБНГУ-аас монгол иргэдээ татан авахаар бэлтгэл хангаж байна. Нислэгийн багт ХӨСҮТ, МХЕГ-ын эмч байцаагч нар багтана” гэсэн юм.
Манай улс өнгөрсөн хугацаанд дөрвөн удаагийн тусгай нислэгээр 983 иргэнээ эх орондоо авраад байгаа билээ.
