Коронавирус халдварын хямрал дуусах болоогүй бөгөөд өвчнийг удаан хугацаанд хянах дараагийн үеийн вакциныг судлахыг уриалж байна хэмээн Дэлхийн Эрүүл Мэндийн Байгууллагын Онцгой байдлын хорооноос мэдэгдэв.

19 гишүүний бүрэлдэхүүнтэй хороо гурван сар тутамд хуралдаж, тахлын талаар хэлэлцэж, зөвлөмж гаргадаг юм.

ДЭМБ-ын мэдэгдэлд "Ковидын вакцин, эмчилгээний хэрэглээг нэмэгдүүлснээр ахиц дэвшил гарч байгаа ч өнөөгийн нөхцөл байдал, урьдчилан таамаглалын загварууд цар тахал бүрэн дуусаагүй байгааг харуулж байна" гэжээ.