Хууль зүйн байнгын хорооны хуралдаанаар хүний эрхийн асуудлаар хэлэлцэж байна. Ирэх оны төсөвт ХЭҮК-ын төсвөөс хассан талаар УИХ-ын гишүүн Д.Цогтбаатар санал хэллээ.

Тэрбээр "ХЭҮК-ын төсвийг хассан нь үнэхээр буруу. Хүний эрхийн асуудалд онцгой анхаарал хандуулах шаардлагатай. Монголын төрийн бүхий л үзэл баримтлал хүний эрхийг хамгаалахад оршиж байгаа. Ялангуяа ийм хямралтай, амаргүй үед хүний эрх далдаар зөрчигдөх эрх ердийн үеэс нэмэгдсэн. Тийм учраас ХЭҮК-д мөнгийг нь харамгүй тавьж өгөх ёстой. Хүний эрхийг дарга нараас гуйж эдэлдэггүй. Хүний эрхийг дарга нар өгдөггүй юм. Хүний эрх бол нэн тэргүүнд учраас төсөв зангидаж байгаа хүмүүс биднээр бодлого бодуулах бус өөрсдөө аль нэг төсвөөс хасаад хүний эрхийн салбарт нэмэхээ бодоод бидэнд санал болгох хэрэгтэй" гэв.