Өнөөдөр Засгийн газар "Рио тинто" компанитай "Оюу толгой" төслийн асуудлаар хэлэлцээр хийсэн. Тус хэлэлцээрт Засгийн газрыг төлөөлөн Хууль зүй, дотоод хэргийн сайд Х.Нямбаатар тэргүүтэй ажлын хэсэг оролцсон бол нөгөө талаас “Рио Тинто” компанийн Зэсийн группын захирал Б.Болд нар оролцсон юм.

Энэ талаар ХЗДХ-ийн сайд Х.Нямбаатар "Өнөөдөр "Рио Тинто"-ийн Зэсийн группийн захирал Б.Болд, Хөрөнгө оруулалт эрхэлсэн захирал Андрью Латхам нартай уулзаж, хэлэлцээг эрчимжүүлж, тодорхой асуудлуудыг ойрын үед шийдвэрлэх талаар санал солилцлоо. УИХ-ын 92 тогтоолын хэрэгжилтийг бүрэн хангахад анхаарах талаар онцлов" гэв.