ЭМЯ-наас ээлжит мэдээллээ хийлээ. Энэ үеэр ХӨСҮТ-ийн дарга Ц.Билэгтсайхан "ХӨСҮТ-өөс 7 хоног тутам тайлан мэдээ гаргаж буй. Халдвар яг одоо оргил үедээ очсон байна. Есдүгээр сарын сүүлийн 7 хоног, аравдугаар сарын эхний 2 долоо хоногт оргил үе нь таарч байна. Хэд хэдэн үзүүлэлтээр буюу шинэ тохиолдлын тоо, PCR-аар эерэг илэрч буй хувь, нас баралтын түвшин гэх мэтчилэн хэд хэдэн шалгуураар тархалтыг үнэлж байна. Энэ үзүүлэлтээр оргил үедээ ирсэн байна. Үүнээс цааш тархалтын тоо буурах төлөвтэй байгаа" гэлээ.