Эрүүл мэндийн яамнаас баасан гараг бүрийн ээлжит мэдээллээ хийлээ. Энэ үеэр ХӨСҮТ-ийн захирал Ц.Билэгтсайхан дараах мэдээллийг өглөө. Тэрбээр, "Дархлаажуулалтын нэг, хоёрдугаар тунтай холбоотой судалгаа хийгдэж байна. Эрсдэл бүхий бүлэг өндөр настай, архаг хууч өвчтэй иргэд болон хил гааль, цэргийн ангийн ажилтнуудаа III тунд идэвхтэй хамруулах болно. Монгол Улс дөрвөн төрлийн вакциныг сайн дурын үндсэн дээр хийж байгаа ба дархлаа өрнүүлэх чадамж хангалттай хэмжээнд үүсэж байна" гэлээ.