ОХУ-ын "Роснефть" компаниас ачигдах АИ-92 шатахууны ачилтууд хязгаарлагдаж байгаатай холбогдуулан ШТС-уудад ачилтаа хязгаарлаж эхэлсэн талаар "Сод Монгол групп" ХХК-ын албан бичигт ил дурдагдсан. Тэгвэл уг бичгийг шалгуулна гэдгээ УУХҮ-ийн сайд Г.Ёндон мэдэгдсэн. Учир нь "Сод Монгол групп" ХХК-ийнхантай уулзахад ийм асуудал яриагүй талаар тэрбээр мэдээлж байсан юм.

Тэгвэл дөнгөж сая "Сод Монгол групп" ХХК-иас мэдэгдэл гаргажээ. Мэдэгдэлдээ "Худал мэдээлэл явж, үйлчлүүлэгч олныг төөрөгдүүлэн, ШТС-ууд дээр шаардлагагүй дараалал үүсгээд байна.

Тус компанид бензин шатахууны нөөц хэвийн хэмжээнд, хүрэлцээтэй байгаа бөгөөд бензин шатахууны түгээлтэндээ ямар нэгэн хэмжээ тогтоогоогүй, хэвийн горимоор түгээн борлуулж байна" гэжээ.