Энэ оны 8 дугаар сарын 28-ны өдөр нэр бүхий сайтад байрлуулсан зарын дагуу хоёр өрөө байр түрээслэхээр хоёр удаагийн гүйлгээгээр 1.500.000 төгрөг үл таних хүний данс руу шилжүүлж залилуулсан гэх хэргийг БЗДЦГ-ын 1-р хэлтсийн алба хаагчид илрүүлжээ. Уг хэрэгт 23 настай Х-г холбогдуулан шалгаж эхэлсэн байна.

Иргэд та бүхэн цахим орчинд байршуулсан зарын эх сурвалжийг шалгаж, түрээсийн гэрээг хийх тохиолдолд тухайн иргэний нэр дээр орон сууц бүртгэлтэй эсэх, байрны гэрчилгээ зэргийг нягталсны үндсэн дээр төлбөр тооцоогоо шилжүүлэхэд анхаарахыг цагдаагийн байгууллагаас санууллаа.