АНУ зарим өндөр настай болон эрсдэлтэй иргэдэд файзер вакцины гуравдугаар тунг хэрэглэхийг зөвшөөрлөө.

Хүнс, Эмийн Захиргаа (FDA) нь хүнд хэлбэрийн өвчин тусах эрсдэл өндөр болон хариу арга хэмжээний багт ажиллаж байгаа эмч, багш нар зэрэг иргэдэд нэмэлт тун авах боломжийг олгосон байна. Ингэснээр хэдэн арван сая америкчууд гурав дахь тунгаа тариулах эрхтэй болж байгаа юм.

FDA-ийн комиссарын үүрэг гүйцэтгэгч Жанет Вудкок "Эрүүл мэндийн ажилчид, багш нар, өдөр өнжүүлэх ажилчид, хүнсний ажилчид, орон гэргүй хүмүүс, хорих байранд байгаа хүмүүс энэ жагсаалтад багтах ёстой" гэж мэдэгджээ.

Гуравдахь тунгийн талаар АНУ-ын Ерөнхийлөгч Жо Байден "Тариулах боломжтой" хэмээн мэдэгдээд байсан нь ажил хэрэг болж байгаа нь энэ юм.

Эх сурвалж: BBC