Коронавирусийн мутацилагдсан "МU" хувилбар одоогоор Европын 39 оронд тархаад байна. "MU" хувилбар нь 2021 оны нэгдүгээр сард Колумби улсад бүргэгдсэн бөгөөд манай улсад оргилдоо хүрээд байгаа дельтавирустай хавсарсан тохиолдолд аюултай хэмээн албаны хүмүүс үзэж байгаа юм байна.

Харин Дэлхийн эрүүл мэндийн байгууллагаас "MU" хэмээх коронавирусийн мутаци хувилбарыг судалж байгаа аж. ДЭМБ-ын ажиглалтын жагсаалтад наймдугаар сарын 30-нд оруулсан бөгөөд вакцины үр нөлөө бага байх магадлалтай байна.

Уг хувилбар нь дархлааны системээс зугтах шинж чанартай бөгөөд Дельта хувилбараас илүү аюултай эсэхийг ДЭМБ-аас судалж байгаа юм байна.

Ташрамд дурдахад, MU хувилбар Монгол Улсад орж ирээгүй байгаа хэдий ч ирсэн тохиололд дельта хувилбартай хавсран аюултай нөхцөл байдал үүсэж болзошгүй.