Хоёр жил гаруй хугацаанд теле байдлаар хичээллэсэн боловсролын байгууллагын үйл ажиллагаа өнөөдөр нээж байна. 2021-2022 оны хичээлийн шинэ жил эхэлж буйтай холбогдуулан УИХ-ын дарга Г.Занданшатар хүүхэд багачууд, сурагчид, багш хамт олонд баярын мэндчилгээ дэвшүүлжээ.

Тэрбээр "Танхимын, цахим, интерактив, зайны сургалтдаа идэвхтэй оролцож, сурах болон сургах үйлстээ чин сэтгэлээр хичээн шамдсан нийт хүүхэд багачууд, эрдэмтэн багш нартаа Улсын Их Хурлын нэрийн өмнөөс гүн талархал илэрхийлье.

Энэ хичээлийн жилд өнгөрсөн 2 жилд учирсан хохирол, алдсан боломжуудаа нөхөх, арилгах нь хүүхэд, багш, сургууль хамт олны эрхэм зорилго байх болно. Эрдмийн их аян тань саад үгүй дардан байж, Монгол эх орон маань бадран мандах болтугай" гэжээ.