Монгол Улсын Ерөнхийлөгч У.Хүрэлсүх анхны айлчлалаа ОХУ-д хийхээр болжээ. Одоогоор тов нь гараагүй бөгөөд бэлтгэл ажил хийгдэж байгаа аж.

Ерөнхийлөгч У.Хүрэлсүх, ОХУ-ын Ерөнхийлөгч В.В.Путин нар өнгөрсөн долдугаар сарын 9-ний өдөр утсаар ярьж, хоёр улсын харилцааны болон бүс нутаг, олон улсын хамтын ажиллагааны өргөн хүрээний асуудлаар санал солилцсон. Төрийн тэргүүн нар цаашид ажил төрлийн ойр хэлхээ холбоотой байж, цар тахлын нөхцөл байдал сайжирсны дараагаар биечлэн уулзахаар тохиролцсон юм.

ОХУ-ын Ерөнхийлөгч В.В.Путин Монгол Улсын Ерөнхийлөгч У.Хүрэлсүхийг ирэх есдүгээр сард цахим хэлбэрээр болох Дорнын эдийн засгийн чуулга уулзалтад оролцохыг урьсан билээ.