Ерөнхий сайд, МАН-ын дарга Л.Оюун-Эрдэнэ болон УИХ-ын дарга Г.Занданшатар, УИХ дахь бүлгийн дарга Д.Тогтохсүрэн зэрэг МАН-ын удирдлагууд яг одоо Ардын намын байранд уулзалт хийж буй талаар эх сурвалж мэдээллээ.

МАН-ын дарга нарыг яг ямар асуудлаар шуурхай хуралдаж байгаа эсэх нь тодорхойгүй байна. Гэхдээ өнөөдрөөс бензиний үнэ 300 төгрөгөөр дахин нэмэгдэж 2050 төгрөг болсон, өчигдөр орой цагдаагийн албан хаагчид саатуулаад байгаа иргэнийг зодсон зэрэг олон нийтийн анхаарлын төв ороод буй ноцтой асуудлуудын талаар нухацтай хэлэлцэж, шаардлагатай гэж үзвэл зарим албан тушаалтнуудад хариуцлага тооцох зэрэг асуудлуудыг хэлэлцэж бололтой гэж эх сурвалж онцоллоо.

Ерөнхий сайд Л.Оюун-Эрдэнийн хувьд өчигдөр Япон Улсад хийсэн албан айлчлаа дуусгаад эх орондоо ирсэн билээ.

Г.Лхагвадорж