Баяр наадмын амралтын өдрүүдэд иргэд аялж, зугаалах үедээ гэр бүлийн хүрээнээс гадна олон хүнтэй уулзаж коронавирусийн халдварт илүү өртөж байна. Уг шалтгааны улмаас тохиолдлын тоо өсч, хүндрэн эмнэлэгт хэвтэн эмчлүүлэх байдал нэмэгдэх хандлагатай байна.

Иймд иргэдийг нийслэл хотод орж ирээд гэртээ өөрийгөө 7 хоног тусгаарлан ажиглах, эмнэлзүйн шинж тэмдэг илэрвэл түргэвчилсэн тест тавиулж, эерэг гарвал харьяа өрхийн эрүүл мэндийн төвдөө хандаж баталгаажуулахыг анхаарууллаа.

Мөн гадаад улсаас ирсэн иргэд гэрийн тусгаарлалтын 14 хоногийг чанд мөрдөж, түргэвчилсэн шинжилгээ хийж өөрийгөө хянахыг анхааруулж байна.