Үндэсний их баяр наадмыг хойшлуулах саналыг эсэргүүцсэн уяачид Сүхбаатарын талбай дээр жагсаалаа үргэлжлүүлж байна. Жагсаалд оролцолгүй, эсрэг байр суурьтай байгаа уяачид өөрсдийн цахим хаягаараа дамжуулан үзэл бодлоо илэрхийлжээ.

Тэдний нэг болох уяач Ч.Сүхцэрэн, "Манай Боржигон Бишрэлт овгийнхон олон үеэрээ морь уяж бна. Удам угсаа, өвөг дээдсийнхээ үргэжлэл болсон би ч морьдоо уясаар л... гэвч дэлхийд түгсэн энэ цар тахлын үед дархлаажуулалтад хамрагдаагүй хамгийн эрсдэлтэй нь хүүхдүүд маань болж байгаа учир наадмыг хойшлуулах, энэ жил өнжвөл морьдоо өнөөдөр ч тавьхад бэлэн байна. Бидний ирээдүй бол хүүхдүүд.

Тэгээд ч энэ олон зуун, мянган жил өвлөгдөж ирсэн соёл ганц жилийн наадам өнжихөд устдаг тийм хариугуй ч гэж юу байх вэ" гэжээ.