Улсын хэмжээнд сүүлийн 24 цагт 94946 иргэн дархлаажуулалтад хамрагджээ. Ингэснээр 944 529 иргэн коронавирусийн эсрэг вакцины эхний тунг хийлгэжээ. Үүнээс 451063 иргэн хоёр дахь тунг бүрэн хийлгээд байна хэмээн ЭМЯ-наас мэдээлэв. 

Вакцины хоёр дахь тунг хийлгэж, дархлаажуулалтад бүрэн хамрагдсан иргэд вакцины сертификатыг цахимаар өгч байна. Та https://vis.health.gov.mn/survey/help хаягаар хандан регистр болон утасны дугаараа оруулахад таны бүртгэлтэй гар утсанд зургаан оронтой нууц код ирнэ.

Уг кодыг оруулахад коронавирусийн эсрэг вакцин хийлгэснийг батламжлах ЭМЯ-ны сертификат монгол, англи хэлээр гарах бөгөөд та хадгалах болон хэвлэн авч болох юм.