Шинэ коронавирусийн халдвараас урьдчилан сэргийлэх зорилгоор тогтоосон цэцэрлэг, сургуулиудад тогтоосон хөл хориог сунгах эсэхийг өнөөдөр Засгийн газрын  ээлжит хуралдаанаар шийдвэрлэнэ гэдгийг Засгийн газрын Хэвлэл мэдээлэл, олон нийттэй харилцах албанаас мэдээллээ. 

Улсын онцгой байдлын комиссын нэгдүгээр сарын 24-ний өдрийн шийдвэрээр сургууль, цэцэрлэгийн өмчийн байдал үл харгалзан гуравдугаар сарын 2-ныг хүртэл хаах шийдвэр гаргасан. Мөн МСҮТ, их, дээд сургуулиудын үйл ажиллагааг дээрх хугацаанд зогсоохоор шийдвэрлээд байгаа билээ.