Нийслэлийн иргэдийг коронавирусний эсрэг вакцинд хамруулах ажил үргэлжилж байна. Хуваарь ёсоор өнөөдөр худалдаа үйлчилгээний байгууллагын ажилтнуудыг дархлаажуулна.

Өчигдөр/2021.03.09/ орой 18:00 цагийн байдлаар вакцинжуулалтын байнгын 40 цэгт 8,110 иргэн буюу төлөвлөсөн хүнийхээ 60.2 хувийг дархлаажуулжээ. Улаанбаатар Цахилгаан түгээх станцын ажилчид, Төрийн үйлчилгээний компанийн ажилчид, Цэвэрлэх байгууламжийн ажилчид, Хил хамгаалах ерөнхий газрын ажилчид, Дотоод хэргийн их сургуулийн алба хаагчид гээд нийт 13,470 иргэнийг вакцинжуулалтад хамруулахаар төлөвлөсөн байв.

2021.03.09-нд вакцинд хамрагдсан иргэдийн тоо: 

• Баянгол дүүрэгт 1,691 иргэн
• Баянзүрх дүүрэгт 1,636 иргэн
• Сүхбаатар дүүрэгт 1,312 иргэн
• Сонгинохайрхан дүүрэгт 572 иргэн
• Налайх дүүрэгт 449 иргэн
• Чингэлтэй дүүрэгт 360 иргэн
• Багануур дүүрэгт 243 иргэн
• Багахангай дүүрэгт 40 иргэн

ЭМЯ-ны газрын дарга Л.Энхсайхан: Өнөөдрийн байдлаар манай улс AstraZeneca вакциныг хэрэглэж байгаа. Нийт 150 мянган тун байгааг 75 мянган хүнд хийнэ. Эрэмбийн дагуу вакцинаа хийгээд явна. Эхлээд AstraZeneca вакцинаа хийгээд, үргэлжлүүлэн БНХАУ-ын Синофарм компанийн вакциныг хийж эхэлнэ хэмээн мэдээлсэн.