Эрүүл мэндийн яамнаас коронавирусний нөхцөл байдлын мэдээлэл хүргэж байна. ХӨСҮТ-ийн Тандалт судалгааны албаны дарга А.Амбасэлмаа:

"Өчигдөр нийт 5433 хүнд шинжилгээ хийхэд 35 хүнээс коронавирус илэрсэн байна. Улаанбаатар хотод бүртгэгдсэн 35 тохиолдол бүгд өмнө батлагдсан тохиолдлуудын ойрын болон дам хавьтлын хүмүүс байна. Ойрын хавьтлын шинжилгээг хийх явцад СХД-ийн 21-р хороололд ажилладаг хүн өвдсөн. Түүний хавьтлын шинжилгээг хийхэд найман хүнээс халдвар илэрсэн байна. Ингэснээр шинэ голомт Улаанбаатар хотод нэмэгдлээ.

Сүүлийн 24 цагт 35 хүн эдгэрч гэртээ гарсан. Улсын хэмжээнд халдварын батлагдсан тохиолдол 1,814 болсон бол үүнээс 1,358 хүн эдгэрсэн байна. Эмчлэгдэж байгаа 443 хүний биеийн байдлыг үнэлбэл,  маш хүнд 1, хүндэвтэр 67, хөнгөн 375 байгаа" гэв.