Орон нутгийн наадамд зодоглосон бөхчүүдийн шинжилгээний хариу эхнээсээ ирж, нэр бүхий бөхчүүдээс хориотой бодис илэрсэн байна.

Энэ талаар Монголын үндэсний допингийн эсрэг төвийн Гадаад харилцаа, хамтын ажиллагааны дарга С.Зүчи News.mn сайтад өгсөн ярилцлагадаа, "Есөн аймаг, дүүргийн наадам барилдсан бөхчүүдийн шинжилгээний хариу ирснээс Говьсүмбэр болон Өмнөговь аймгийн наадмын бөхчүүдээс хориотой бодис илэрсэн. Хариу нь ирээгүй 11 аймаг байгаа учраас нэрсийг нь зарлах боломжгүй" гэжээ.