Удаа дараа ёс зүйгүй үг, үйлдэл гаргасан гэх үндэслэлээр барилдах эрхээ таван сараар хасуулсаны улмаас наадмаа барилдах эрхгүй болсон Улсын арслан Р.Пүрэвдагва уучлал хүсэж наадмаар зодоглохоор болсон.

Энэ талаар МҮБХ-ны тэргүүн Ц.Магалжав хэвлэлд өгсөн ярилцлагадаа "Улсын арслан Р.Пүрэвдагвыг зөвхөн наадмаар барилдахыг зөвшөөрсөн. Эрх нь сэргэтэл өөр барилдаанд зодоглохгүй" гэж тайлбарлажээ.