Засгийн газрын хуралдаанаас гарсан шийдвэрүүдийн талаар “Чингис хаан баялгийн сан” корпорацын Гүйцэтгэх захирал Б.Даваадалай мэдээлэл өглөө. Тэрбээр иргэдийн хуримтлалын сангийн талаар мэдээлэл өгөхдөө "Иргэд орон сууц, эрүүл мэнд, боловсролдоо зарцуулах боломжтой хөрөнгө 1.6 их наяд төгрөг байна. Та бүхэн "И-Монголиа"-гийнхаа дансыг нээгээд харвал, хүн бүрд 500 мянган төгрөгийн хуримтлал бий болсон. Үүнийг оны эцэст 1 сая төгрөг болгоно. "Ирээдүйн өв сан"-д 1.6 тэрбум ам.долларын хуримтлал байна" гэлээ.