АН-ын Улс төрийн зөвлөл хуралдаж, лхагва гарагт хуралдах ҮБХ-ны хуралдааны зохион байгуулалтын асуудлыг хэлэлцлээ.

Тухайлбал, АН-ын Хэрэг эрхлэх газраас лхагва гарагт хуралдах ҮБХ-ны хуралдааныг УИХ-ын гишүүн С.Эрдэнэболд, П.Батчимэг, Г.Ганбаатар нараар удирдуулах санал гаргасан байна.

Үүнээс гадна УТЗ-ийн хурлын үеэр Р.Сэддоржийн нэрийг дэвшүүлсэн юм. Улмаар дээрх 4 хүн дээр санал хураасан бөгөөд Г.Ганбаатар нэрээ татсанаар С.Эрдэнэболд, П.Батчимэг, Р.Сэддорж нар ҮБХ-ны хурлыг удирдахаар болов.