Энэ оны дөрөвдүгээр сарын 1-ний өдөр Төрийн ордонд “Туулын хурдны зам” төслийн эдийн засгийн үр ашиг, техник эдийн засгийн үндэслэл (ТЭЗҮ), төсөвт өртөг, санхүүжилтийн эх үүсвэр, төсөвт үзүүлэх нөлөөлөл, мөн гүйцэтгэгчийн сонгон шалгаруулалттай холбогдох мэдээллийг байнгын хорооны хуралдаанаар хэлэлцсэн. Энэ үеэр УИХ-ын гишүүн Д.Энхтүвшин Хотын орлогч Т.Даваадалайн биед халдаж, мөргөж унагасан байдаг.

Д.Энхтүвшингийн зүгээс уучлал гуйсан ч цагдаагийн байгууллага гомдол мэдээллийн дагуу мөрдөн шалгах ажиллагаа явуулж байна. Шинжээч эмчийн дүгнэлтээр, Т.Даваадалайн биед хөнгөн хохирол тогтоогджээ. Иймд тус хэрэгт хэрэг бүртгэлтийн хэрэг нээн, шалгалтын ажиллагаа үргэлжилж байна.