УИХ дахь МАН-ын бүлгийн дарга Ж.Батжаргалаас тодруулга мэдээлэл авлаа. Тодруулбал тус намын бүлгээс "Бүлгийн шийдвэрийг 100 хувь дэмжиж, ЗГ-ыг тогтвортой ажиллуулах" санаачилга гаргаад буй юм.
Бүлгийн дарга Ж.Батжаргал хэлэхдээ "Байр суурийн зөрүү байна гээд хоорондоо толхилцоод төрийн ажлыг удаашруулаад байж таарахгүй учраас "Бүлгийн шийдвэрийг 100 хувь дэмжиж, ЗГ-ыг тогтвортой ажиллуулах" санаачилгыг гаргасан. 40 гаруй гишүүн гарын үсэг зураад байна. Цаашид үлдсэн гишүүддээ танилцуулна.
Сонгуулийн мөрийн хөтөлбөрийн хэрэгжилтийг эрчимжүүлэхийн тулд ЗГ-ыг тогтвортой ажиллуулж, дэмжихэд бүлэг анхаарал хандуулах ёстой гэдэгт гишүүд “амлалт” өгөх байдлаар саналаа нэгтгэсэн төдий. Ямар нэгэн дүрэм журам биш" гэлээ.
