Төсвийн байнгын хорооны өнөөдрийн хуралдаанаар “Туулын хурдны зам” төслийн эдийн засгийн үр ашиг, техник эдийн засгийн үндэслэл (ТЭЗҮ), төсөвт өртөг, санхүүжилтийн эх үүсвэр, төсөвт үзүүлэх нөлөөлөл, мөн гүйцэтгэгчийн сонгон шалгаруулалттай холбогдох мэдээллийг хэлэлцэж буй юм. Энэ үеэр УИХ-ын гишүүн П.Сайнзориг "Улстөржилт чинь хэрээс хэтэрлээ гишүүд ээ. Хутгалдахгүй юм гэж алга. Улс төрийн сэдвээ хэдүүлээ тогоондоо хийе. Нийслэлчүүдийн түгжрэлийн асуудлыг шийдэх гэж байгаа төсөлд саад болохоо больё" гэлээ.
