Монголын үндэсний бөхийн холбоо шинэчлэлийн хөтөлбөрийн хүрээнд томоохон барилдаануудад чансааны оноо олгох журмыг хэрэгжүүлж эхэлсэн. Энэ удаагийн бөхчүүдийн чансааг Улсын арслан Э.Батмагнай 8,850 оноотойгоор тэргүүлж байна. Түүний араас Аймгийн хурц арслан Н.Амгаланбаатар 7.400, Улсын заан С.Сүхбат 6.850, Аварга О.Хангай 5.550, Аймгийн хурц арслан Д.Алтанцоож 5,550 оноотойгоор удаалж байна.
Эхний 10-т Аймгийн арслан М.Баяржавхлан, Улсын харцага Б.Зоригтбаатар, Улсын арслан Б.Орхонбаяр, Ц.Бямба-Отгон нар бичигджээ.
Бөхчүүдийн хувьд оролцсон барилдаан бүрээс оноо цуглуулах боломжтой ба хамгийн өндөр оноог улс, аймгийн цолтой бөхчүүдийн барилдаанаас авах юм.
