ОХУ-ын Тувагаас Монгол Улс руу шууд нислэг үйлдэх боломжтой болжээ. Тувагийн БНУ-ын нийслэл Кызыл хотын нисэх онгоцны буудал өнгөрсөн 2019 онд олон улсын нисэх буудал гэсэн статустай болсон байна. Энэ статусыг авснаас хойш шууд нислэг хийх болсон анхны гадаадын улс нь Монгол болж байгаа аж.  

Кызыл хотын нисэх буудал олон улсын нисэх буудлын статус авахаар олон жил ажилласны эцэст 2019 оны наймдугаар сард зорилгодоо хүрч чадсан. Улмаар буудлынхаа хүчин чадлыг өргөжүүлсээр 2030 он гэхэд жилд 249.3 мянган зорчигч нэвтрүүлэх хүчин чадалтай болгох зорилт тавиад байгаа юм байна.