УИХ-ын гишүүн М.Нарантуяа-Нара гэрт нь хулгай орсонтой холбогдуулан цахим орчинд байр сууриа илэрхийлэхдээ ёс бус хараалын үг хэллэг ашигласан нь олны шүүмжлэлийг дагуулж, намын жагсаалтаар нэр дэвшдэг байдлаа эргэн харах шаардлагатай талаар нийгмийн зарим хэсэг нь байр сууриа илэрхийлж эхэлсэн.

Тэгвэл М.Нарантуяа-Нарагийн харьяалагддаг ИЗНН-ын дарга Б.Батбаатар жагсаалтын гишүүдийг нам нь эгүүлэн татдаг байх хуулийн төслийг боловсруулсан бөгөөд ирэх хаврын чуулганаар УИХ-д өргөн мэдүүлж, хэлэлцүүлэх гэнэ. Өөрөөр хэлбэл намынхаа бодлогын эсрэг ажилласан жагсаалтын гишүүдийг эгүүлэн татах аж.

Энэ талаар ИЗНН-ын дарга Б.Батбаатар NTV телевизэд өгсөн тодруулгадаа дурджээ.