"Хүүхдийн 100"-д байрлах цэнгээний газрын гадна "Говь" ХК-ийн захирал Б.Амарсайхан, УИХ-ын гишүүн асан Ц.Цэрэнпунцагийн хүү Ц.Санжаачойпэл нарын хүмүүс маргаан үүсгэж Д.Саяннямбуу гэх иргэний биед халдаж хүнд гэмтээсэн хэрэг гарсан билээ.

Дээрх хэргийн гэм буруугийн шүүх хурал яг одоо болж буй. Энэ үеэр шүүгдэгч болон хохирогчийн статустай оролцож буй Ц.Санжаачойпэл "Би 2 хоногийн дараа магистраа хамгаалахаар буцах гэж байсан учраас тэр орой найзуудтайгаа уулзсан. Канте баранд ортол Д.Саяннямбуугийн ширээнд сууж байсан н.Өлзийсайхан манай найз охиныг хоргоож эхэлсэн. Гадаа гарахад дахиад хоргоож байсан учраас бидний хооронд маргаан эхэлсэн" гэв.