Эрчим хүчний салбарт үүсээд буй асуудалтай холбогдуулан УИХ дахь сөрөг хүчин буюу АН-ын зарим гишүүд байр сууриа илэрхийлээд байгаа. Тухайлбал Ерөнхий сайд Г.Занданшатар Эрчим хүчний сайдад хугацаатай үүрэг өгсөнтэй холбогдуулан УИХ-ын гишүүн Б.Жаргалан "Б.Чойжилсүрэн дахиад 1000 хоног ажиллаад ч үр дүн гарахгүй гэдгийг улс даяараа харлаа. Ерөнхий сайд бүрэн эрхийнхээ хүрээнд танхимын сайддаа хариуцлага тооцож чадахгүй бол өөрөө хариуцлага хүлээж таарна" гэлээ.