Өчигдөр УИХ-ын асуулгын цаг болсон. УИХ дахь АН-ын бүлгийн гишүүд Ерөнхий сайдаас "Унасан эдийн засаг-уруудсан итгэл" сэдвээр асуулт асуусан юм. Энэ үеэр УИХ-ын гишүүн Ч.Лодойсамбуу "Ерөнхий сайд тэтгэврийг нэмэгдүүлэхийн тулд хэмнэлтийн горим руу шилжих албан даалгавар гаргасан байна лээ. Ерөнхий сайд та төрийн албан хаагчдын цалин, урамшууллыг хассан мөнгөө нөгөө өрх рүү шилжүүлэх гэж байгаагаа улс төрийн пиар болгож ярих гэж байгаа. Өнөөдөр шинэ жилийн баярын уур амьсгалтай нэг ч айл, өрх алга" гэв.