Ардчилсан нам өнгөрсөн наймдугаар сарын 31-нд Их хурлаа зохион байгуулж, намын даргаа сонгохоос гадна шинэчилсэн дүрэм, хөтөлбөрөө баталж, Улсын дээд шүүхэд хүргүүлсэн. Гэвч дээд шүүхээс "Дүрмийн зарим заалт нь хуульд нийцээгүй" гэж үзэн, буцаасан байдаг. Улмаар энэ сарын 21-ний өдөр АН-ын ҮБХ-ны хуралдаанаар дээрх асуудлыг хэлэлцэн шийдвэрлэсэн юм.
Тэгвэл дээд шүүх Ардчилсан намаас ирүүлсэн “Бүртгэлийн мэдээлэлд өөрчлөлт оруулах” хүсэлтийг хэлэлцээд, нийт шүүгчийн хуралдаанаар хэлэлцүүлэхээр шийдвэрлэжээ.
