Монгол Улсын кибер аюулгүй байдлын чадавхыг нэмэгдүүлэх, холбогдох байгууллагуудын уялдаа холбоо, хамтын ажиллагааг бэхжүүлэх зорилготой “ITACTIC-2025” стратегийн команд штабын хамтарсан дадлага сургуулилт энэ сарын 13–14-нд амжилттай зохион байгуулагдлаа.

Жил бүр уламжлал болгон зохион байгуулдаг уг арга хэмжээ гурав дахь жилдээ үргэлжилж байгаа бөгөөд энэ удаагийн сургуулилтыг Кибер халдлага, зөрчилтэй тэмцэх Үндэсний төв удирдан зохион байгуулсан юм.

Энэ жилийн дадлага сургуулилалтад нийт 22 байгууллагын 80 гаруй албан хаагч оролцож, кибер халдлага, зөрчилд хариу үзүүлэх ажиллагааны техник, арга тактикийг сайжруулах, удирдлагын шийдвэр гаргах шат дамжлагыг оновчтой болгох чиглэлээр практик сургуулилт хийв.

Сургуулилалтад Кибер халдлага, зөрчилтэй тэмцэх Зэвсэгт хүчний төвийн баг бүрэлдэхүүн амжилттай оролцлоо.