ҮХЦ-ийн Их суудлын хуралдаанаар Ерөнхий сайдыг огцруулсан УИХ-ын 95 дугаар тогтоол хууль зөрчсөн эсэхийг тогтоохоор хэлэлцсэн. Өнөөдрийн хуралдаанд УИХ-ын итгэмжлэгдсэн төлөөлөгчөөр оролцсон УИХ-ын гишүүд ҮХЦ-ийн хуралдааныг "Хэт нэг талыг барьж байгаа тул хуралдааны шийдвэр яаж гарах нь ойлгомжтой" гэж үзэн, хурлыг орхин гарсан. Улмаар гэрчээр УИХ-ын Ерөнхий нарийн бичгийн дарга Б.Баасандорж оролцож, ҮХЦ-ийн гишүүд болон оролцогч талуудын асуултад хариулсан юм.
Үүний дараа цэцийн бүрэлдэхүүн зөвлөлдөх тасалгаанд шилжиж, Их суудлын хуралдааны шийдвэрийг 19.00 цагаас танилцуулах байсан ч 21.00 болон 22.30 цаг хүртэл хойшлуулсан. Харин эцэст нь Их суудлын хуралдааны шийдвэрийг танилцуулж, Ерөнхий сайд Г.Занданшатарыг огцруулсан УИХ-ын 95 дугаар тогтоолыг Үндсэн хууль зөрчсөн гэж үзлээ.
Ингээд хуралдааны дараа ЗГХЭГ-ын дарга С.Бямбацогтоос тодрууллаа.
