З.Мэндсайхан, М.Бадамсүрэн нарын 67 гишүүн УИХ-ын дарга Д.Амарбаясгаланг огцруулах бичгийг өнгөрөгч долоо хоногт өргөн бариад байсан билээ. Тэдний зүгээс УИХ-ын дарга Д.Амарбаясгаланг бүрэн эрхээсээ түдгэлзэж, хуулийн байгууллагаар шалгуулах ёстой гэх шаардлагыг тавьж байсан.

Түүнчлэн УИХ дахь Ардчилсан намын зүгээс түүнийг өөрийн нэр холбогдож буй хэргүүдийг шүүхээр эцэслэтэл УИХ-ын чуулганы хуралдааныг удирдахгүй байх шаардлагыг хүргүүлээд байсан. Улмаар өнөөдөр АН-ын бүлгийн зүгээс өнөөдөр УИХ-ын дарга, Ерөнхий сайдыг огцруулах асуудлыг нэг өдөр дарааллаар нь хэлэлцэхгүй бол бид чуулганы хуралдаанд оролцохгүй гэж мэдэгдээд байсан юм. Тэгвэл дөнгөж сая УИХ-ын даргын дэргэдэх зөвлөл хуралдсан. Улмаар УИХ-ын дарга Д.Амарбаясгалан өөрийн хүсэлтээр ажлаас чөлөөлөгдөх хүсэлтээ өгчээ.

Одоо түүний чөлөөлөгдөх хүсэлтийг Төрийн байгуулалтын байнгын хороогоор хэлэлцэх гэж байна.