НИТХ-ын төлөөлөгч Б.Эрдэнэсүх 22 жилийн турш эхнэрээ зодож, гэр бүлийн хүчирхийлэл үйлдсэн талаар түүний эхнэр О.Нарангарав хэвлэлд хандаад байгаа юм. Тэгвэл өчигдөр хохирогч эмэгтэйг хамгаалалтад аваад буй. Харин яллагдагчаар татах тогтоолоо хүлээн авахгүй, мөрдөгчдийн дуудсан цагт очихгүй байсан Б.Эрдэнэсүхийг Хан-Уул дүүргийн цагдаагийн байгууллагаас саатуулсан байна.
Ингэснээр түүнийг яллагдагчаар татах тогтоолыг албан ёсоор танилцуулж, яллагдагчаар татсан тогтоол албажин, цагдан хорих нөхцөл бүрдэж байна. Тодруулбал, түүнийг цагдан хорих хүсэлтийг прокурорын байгууллагаас шүүхэд хүргүүлсэн байна.
Шүүх уг асуудлыг хэлэлцээд шийдвэрлэх бөгөөд бид энэ талаар эргэн мэдээлэх болно.
