ТББХ-ны хуралдаанаар Ерөнхий сайдыг огцруулах асуудлыг хэлэлцсэн. Гишүүд Ерөнхий сайдаас асуулт асууж, хариултаа авсан. Харин гишүүд үг хэлэх үеэр цаг 18.00 болсон тул ТББХ-ны дарга Ц.Сандаг-Очир "Ажлын цаг дууссан байна. Тиймээс УИХ-ын чуулганы хуралдааны дэгийн тухай хуулийн 13 дугаар зүйлийн хуралдаан даргалагчийн эрх үүргийг заасан байна. Энэ дагуу ТББХ-ны хуралдааныг ирэх даваа гарагийн 11.00 цаг хүртэл хойшлуулж шийдвэрлэлээ" гэлээ.
Ингээд хурлын дараа АН-ын гишүүн Л.Гантөмөрөөс цөөн зүйлийг тодрууллаа.
