Монгол Улсын гурав дахь Ерөнхийлөгч Н.Энхбаяр Гашуунсухайт–Ганцмод боомтын хил дамнасан төмөр замын бүтээн байгуулалтын хүрээнд байгуулсан нүүрс худалдаалах гэрээг монголд 10 тэрбум ам.долларын алдагдал авч ирнэ гэж мэдэгдсэн. Энэ талаар ЗГХЭГ-ын дарга С.Бямбацогт "10 тэрбум ам.доллартай нүүрсний гэрээ гэдэг бол Н.Энхбаяр гуайн бодол болохоос Засгийн газрын байр суурь биш. Үүнийг УИХ-ын танхим руу оруулж ирээд УИХ ЗГ хоорондох асуудал болгоод байх шаардлагагүй" гэв.